အနက်ရှိုင်းဆုံးငြိတွယ်
အထိနာလှတယ်ရင်ထဲ
အသိစိတ်ကရှောင်ခွါပြေးတယ်။
ညညအိပ်မပျော်
တစ်ယောက်ထဲကောင်းကင်ငေးတယ်။
အသက်ရှူလည်းကျပ်သေး
အာရုံကတစ်နေရာထဲကပ်ငြိ
ပါးနှစ်ဖက်မျက်ရည်မြစ်စီးတယ်။
ကြင်သူကိုလည်းမသိစေချင်
ခင်သူကိုလည်းမသိစေချင်
ဘယ်သူ့ ကိုမှမသိစေချင်ဘူးကွယ်။
ဟန်ဆောင်ကာနေရတဲ့ဘဝ
ဦးနှောက်က နှစ်နေရာခွဲတယ်။
နှလုံးသားအတွက်အချစ်
ရုပ်သွင်အတွက်တစ်စိမ်း။
စိတ်နဲ့ ခန္ဓာတထပ်ထဲမကျရတဲ့ဘဝ
နေသာနေရ ရူးချင်လှတယ်
ကြင်သူကိုလည်း အပြစ်မမြင်
ခင်သူကိုလည်း မငြိုငြင်ပါ။
စိတ်တွေကလည်း မတည်ငြိမ်သေး
တခါတခါ
အချစ်တွေတိုးထွက်လို့ 
အလွမ်းတွေလွှမ်းခြုံလာရင်
ဟန်ဆောင်လို့ တောင်မရ
လူရှေ့မှာတောင်မှိုင်တွေငေးတယ်။
ပိန်းပိတ်အောင်မှောင်နေတဲ့အခန်းထဲ
ကြင်သူကိုလွမ်းလှလည်း
တိုးတိတ်တဲ့ ငိုရှိုက်သံ
ခင်သူမကြားအောင်ကြိုးစားမြဲ။
Subscribe to:
Post Comments (Atom)
1 comment:
နှမတော်ရေ .. ဒီကဗျာလေးက ရေးပုံဆန်းလို့
တော်တော်လေးကြိုက်မိတယ်
Post a Comment